Prof. As.Dr. Gani BAJRAKTARI, MD, PhD, FESC

Mjekësisë, Universiteti i Prishtinës
Dekan i Fakultetit të Mjekësisë, Universiteti i Prishtinës

Prof.As.Gani Bajraktari, është mjek internist-kardiolog, Profesor i lëndës Mjekësia Interne dhe Dekan i Fakultetit të Mjekësis të Universitetit të Prishtinës.
Fakultetin e Mjekësisë e ka mbaruar në vitin 1990, në Universitetin e Prishtinës, ndërsa specializimin nga Mjekësia Interne – Kardiologji, e ka mbaruar në vitin 1998 në Qendrën Klinike Universitare “Nënë Tereza”, në Tiranë, i udhëhequr nga Prof.Dr.Adnan Kastrati. Gjatë specializimit ka kryer trajnime disa mujore në Itali, Kroaci dhe Francë, kryesisht në fushën e ekokardiografisë.
Studimet Pasuniversitare i ka mbaruar në Universitetin e Zagrebit, ndërsa temën e magjistraturës “Prediction of Stress Induced Myocardial Ischaemia by Dobutamine with Assessment of Mitral-Pulsed Wave Doppler Echocardiography”, e ka mbrojtur në vitin 2000, në Zagreb para Komisionit: Prof.Ivo Cikes, Prof.Anton Smalcelj dhe Prof.Vjeran Nikolic-Heitzler.
Ka mbrojtur doktoraturën me titull ”Funksioni diastolik i Ventrikulit të majtë, te të sëmurët me diabet joinsulinovartës”, para Komisionit: Prof.Dr.Spiro Qirko, Prof.Dr.Faik Hima dhe Prof.Dr.Hysri Tafarshiku, në vitin 2002 në Universitetin e Prishtinë.
Doktoraturën e dytë, me titull “Relationship between insulin resistance and left ventricular diastolic dysfunction” të udhëhequr nga Prof.Dr.Ferenc Horkay, para Komisionit: Prof.Dr. Matyas Keltai, Prof.Dr. István Szokodi dhe Prof.Dr. Attila Mohácsi, në Semelweiss University, në Budapest, në vitin 2007.
Ka punuar mjek i përgjithsëm në Skënderaj, mjek kardiolog në Ambulancën Specialistike “Zemra”, në Mitrovicë (1997-2006) dhe “Kardiologjia” në Prishtinë (nga viti 2001), ka qenë drejtor i spitalit të Mitrovicë, nga muaji korrik-shtator 1999, mjek kardiolog në Repartin Kardiologjia II, në Klinikën Interne, QKUK (nga viti 1999), drejtor i Klinikës Interne (2001-2003 dhe 2007-2009), drejtor mjekësor i QKUK, (shkurt-tetor, 2003), shef i repartit Kardiologjia II (2003-2007).
Është zgjedhur asistent i lëndës Mjkeësia Interne, në Fakultetin e Mjekësisë, në Universitetin e Prishtinës, më 1998, ndërsa mësimdhënës i së njejtës lëndë është zgjedhur më 2006.
Nga viti 2001-2005 ka organizuar 6 simpoziume të kardiologjisë, me pjesëmarrje ndërkombëtare, ndërsa në vitin 2008 ka qenë Kryetar i Këshillit Organizativ të Kongresit të Parë të Shoqatës së Kardiologëve të Kosovës.
Në vitin 2009 është zgjedhur Dekan i Fakultetit të Mjekësisë në Universitetin e Prishtinës.
Jeton në Prishtinë, është i matruar me bashkëshorten Kumrijen, arsimtare, dhe ka dy fëmijë, Artanin (1991) dhe Ermirin (1993).


Mbrapa